Գլխավոր էջ » Հոդվածներ » Կանացի խորագիր

Ինչպե՞ս ճիշտ պահածոյացնել սննդամթերքը

    Նախ եկեք հասկանանք թե ինչ է նշանակում մթերքի պահածոյացում։

 

  Պահածոյացում ասելով՝ չպետք է հասկանալ միայն մթերքի պահումը հերմետիկ փակ ապակե տարաներում:
Պպահածոյացումը դա մթերքի հատուկ մշակումն է՝ դրա պահպանման ժամկետները երկարացնելու նպատակով: Գոյություն ունի մթերքի պահածոյացման մի քանի եղանակ: Բոլոր եղանակները հետապնդում են մեկ նպատակ՝ կանխել մանրէների աճն ու զարգացումը, ֆերմենտների գործունեությունը, որոնք կարող են առաջացնել մթերքի փչացում: Պահածոյացումը հնարավորություն է տալիս սնունդը դարձնել ավելի բազմազան՝ որոշ սննդատեսակներ օգտագործել ամբորջ տարվա ընթացքում՝ անկախ սեզոնից: 


   Կիրառվում են պահածոյացման տարբեր եղանակներ: Հիգիենիկ տեսակետից նախընտրելի են պահածոյացման այն եղանակները, որի ժամանակ հնարավորինս պահպանվում են մթերքի բնական հատկությունները: 


     1. Պահածոյացում բարձր ջերմաստիճանի կիրառմամբ:


  Այս դեպքում պահածոյացվող սննդամթերքը ենթարկվում է բարձր ջերմաստիճանի ազդեցության: Արդյունքում ոչնչանում է մանրէների մեծ մասը, սակայն պահածոյացված մթերքը չի դառնում ամբողջությամբ անվտանգ: Բոտուլիզմի հարուցչի սպորները, որոնք կարող են առաջացնել ծանր թունավորում, ոչնչանում են 120-1300C ջերմաստիճանում, իսկ այս ջերմաստիճանը հնարավոր չէ ապահովել տնային պայմաններում, քանի որ սովորական մթնոլորտային ճնշման տակ ջուրը եռում է 1000C ջերմաստիճանում։ Այս սպորները, հերմետիկ փակ տարաներում հայտնվելով իրենց զարգացման համար նպաստավոր պայմաններում, որոնք են անօդ միջավայրը, համապատասպան թթվությունը և ջերմաստիճանը, վեր են ածվում կենսունակ ձևի և սկսում են թույն արտադրել: Ընդ որում, թույն պարունակող պահածոն չի փոխում իր համը, հոտը և գույնը: Եվ երբ մենք ուտում ենք ախտահարված մթերքը, թույնն անցնում է օրգանիզմ և առաջացնում թունավորում: Արտադրական պայմաններում պատրաստված պահածոներն ավելի անվտանգ են, քանի որ արտադրությունում կիրառում են հատուկ սարքավորումներ՝ ավտոկլավներ, որտեղ հնարավորր է բարձր ճնշման տակ ապահովել բարձր ջերմաստիճան: Բարձր ջերմաստիճանի հետևանքով քայքայվում են վիտամինների մեծ մասը և իջնում է պահածոյացված մթերքի սննդային արժեքը: 


   2. Կան պահածոյացման առավել անվտանգ և խնայող եղանակներ: Այդպիսին է օրինակ սառեցման եղանակը, որի ժամական մթերքը ենթարկվում է խորը սառեցման և պահվում -180C ջերմաստիճանում: Այս ժամանակ լրիվ դադարում է մանրէների բազմացումը և աճը, պահպանվում է վիտամինների մեծ մասը: 


   3. Չորացման եղանակ: Օգտագործում է հիմնականում մրգերի և բանջարեղենի պահման համար: Այս դեպքում ևս դադարում է մանրէների աճն ու բազմացումը, քանի որ չկա համապատասպան խոնավություն: Նախապատվությունը պետք է տալ առանց շաքարի չորացմանը: 


   4. Ավանդական պահածոյացման եղանակներից է համարվում օրինակ թթվեցումը, ապխտումը, որոնց ժամանակ ևս պետք է պահպանել անվտանգություն որոշակի կանոններ, քանի որ կարող են բոտուլիզմի պատճառ դառնալ: 


   5. Շաքարը և աղը համարվում են պահածոյացնող նյութեր: Շաքարի 60% և ավել և կերակրի աղի 8-14% տոկոսի դեպքում մանրէները չեն կարող բազմանալ: Օգտագործվող կերակրի աղը անպայման պետք է լինի յոդացված: Այս եղանակով պահածոյացված մթեքրներն օգտագործելիս պետք է հաշվի առնել, որ դրանցում աղի և շաքարի քանակները շատ բարձր են, և պետք է օգտագործվեն քիչ քանակներով:

 

Աղբյուր՝ Հիվանդությունների վերահսկման և կանխարգելման Ազգային Կենտրոն

Կատեգորիա: Կանացի խորագիր | Ավելացրեց: Susanna (08.09.2016)
Դիտումներ: 290 | - Վարկանիշ -: 0.0/0
Հավանեցի՞ք: Կիսվեք Ձեր ընկերների հետ: