Գլխավոր էջ » 2016 » Նոյեմբեր » 25 » Հայաստանն ու Ռուսաստանը քննարկում են SuperJet 100 ինքնաթիռների մատակարարման հարցը
21:39
Հայաստանն ու Ռուսաստանը քննարկում են SuperJet 100 ինքնաթիռների մատակարարման հարցը

    Ռուսաստանը և Հայաստանը քննարկում են Sukhoi SuperJet 100 ինքնաթիռների մատակարարման հարցը: Ինչպես փոխանցում է «Արմենպրես»-ը, վկայակոչելով «Ռիա-նովոստի»-ն, այդ մասին հայտարարել է ՌԴ արդյունաբերության և առևտրի նախարար Դենիս Մանտուրովը: 

   «Շարունակում ենք ազգային ավիափոխադրող ստեղծելու աշխատանքը (Հունգարիայի հետ. խմբ): Այժմ նաև Հայաստանում կսկսենք զբաղվել նման հարցերով»,- ասել է Մանտուրովը՝ թեթև արդյունաբերության համառուսաստանյան երրորդ ֆորումի ժամանակ պատասխանելով Հունգարիայի հետ համատեղ ավիաընկերություն ստեղծելու շրջանակում ինքնաթիռների մատակարարման մասին հարցին:

     «Հետաքրքրությունը մի բանում է. առաջ մղել ռուսական արտադրողին: Առաջին հերթին դա SuperJet-ն է, այսօրվա դրությամբ դա քաղաքացիական ինքնաթիռաշինության հիմնական արդյունքն է: Դա վերաբերում է Հունգարիային, Հայաստանին, որի հետ մենք երեքշաբթի քննարկել ենք այդ հարցը: Մենք պայմանավորվել ենք ակտիվորեն մշակել այն, ձևակերպել հստակ առաջարկներ մեր գործընկերների հետ»,- ավելացրել է Մանտուրովը:

Նյութի աղբյուրը՝ tert.am

Կատեգորիա: Տնտեսություն | Դիտումներ: 86 | Ավելացրեց: Susanna | - Վարկանիշ -: 0.0/0