Գլխավոր էջ » 2016 » Նոյեմբեր » 17 » Հանրապետության տարածք Սիբիրից կներթափանցեն արկտիկական ցուրտ օդային հոսանքներ. Գագիկ Սուրենյան
11:48
Հանրապետության տարածք Սիբիրից կներթափանցեն արկտիկական ցուրտ օդային հոսանքներ. Գագիկ Սուրենյան

   Այսօր հանրապետության տարածքում գործող ցիկլոնը կեսօրից հետո դուրս կգա մեր երկրի սահմաններից և տեղումները ամենուրեք կդադարեն: Նոյեմբերի 18-19-ին բոլոր մարզերում սպասվում է առանց տեղումների եղանակ: Նոյմեբերի 20-ին, 21-ին, 22-ին թույլ ձյուն կտեղա Լոռիում, Տավուշում, Սյունիքում և Արցախում, մյուս մարզերում կնկատվի փոփոխական ամպամածություն:

           Սկսած նոյեմբերի 21-ից մինչև 23-ը մեր երկիր արևմտյան Սիբիրից կներթափանցեն արկտիկական ցուրտ օդային հոսանքներ, ինչի արդյունքում նշված ժամանակահատվածում օդի ջերմաստիճանը հանրապետությունում կնվազի 4-5, իսկ Լոռիում, Տավուշում, Սյունիքում և Արցախում 6-8 աստիճանով։

      Ամենացուրտը կլինի նոյեմբերի 22-ի լույս 23-ի գիշերը, երբ Շիրակում, Կոտայքում, Գեղարքունիքում, Արագածոտնի և Վայոց ձորի լեռնային գոտիներում գիշերը ջերմաստիճանը կհասնի -10…-15, Լոռիում -10…-14, Տավուշում -5…-10, Արագածոտնի և Վայոց Ձորի նախալեռներում, Արարատյան դաշտում և Երևանում -4…-6, Սյունիքում և Արցախում -4…-8: Այս մասին SHAMSHYAN.com-ի հետ զրույցում տեղեկացրել է ՀՀ ԱԻՆ «Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանը։

Կատեգորիա: Եղանակը Հայաստանում | Դիտումներ: 708 | Ավելացրեց: Susanna | - Վարկանիշ -: 0.0/0